متى تشعر ان الدنيا لا تساوى شئ

[wildcaty]

قد تأتى لحظات على الانسان يشعر فيها ان هذة الدنيا لا تساوى قرش واحد



وذلك بسبب موقف ما
او حدث غير مجرى حياتك حتى وصلت الى هذة المرحلة واكتشفت الدنيا على حقيقتها




وسؤالى ليكم بقى

أمتى تحس ان الدنيا لا تساوى شئ فى نظرك ؟

[قلم]

هي اساسا متساويش اي حاجة .. لكن فيها حاجات كتير حلوة
لكن بتبقي ضلمة قوي .. لما يبعد عنك حد عزيز عليك .. اذا كان بالموت او باي طريقة تانية

[دلوعة و نص]

اها فعلا بس اما يبعد من غير موت بتكون اسهل على الاقل مطمن انة بخير

[دلوعة و نص]

[MrDraCuLa]

أنا بحس ان الدنيا متساويش حاجة طول الوقت وتحت كل الظروف
لكن بالأخص باحس بالشعور ده جدا لما افشل في تحقيق أي حلم أو أمنية من أحلامي

[Herooo]

اكيد الواحد بيشعر كدة في اوقات كتيرة وبتمر بصعوبة علية اوووى
بس المفروض بالنسبة للفشل فا المفروض يقوينا مش يضعفنا
لكن الواحد بيشعر ان الدنيا ملهاش لزمة في حالة واحدة وهى
لما بيموت اى شخص وتقعد تتأمل
هو اية اللى فضله مش هاتلاقى غير عمله اذا كان صالح بقي او غير صالح
وبنلاقى كل الناس مهما اختلفت الطبقات سواء غنى او فقير
سواء رئيس او غفير
مدفونين في حفرة 2 متر في متر
وفي الاخر عملهم هو اللى بيوديهم الجنة او النار مش اكتر
وشكرا على التوبيك الجميل دة