سؤال منطقي جدا ورد أكثر منه منطقية

[قلم]

الفكرة هي سؤال يتسأل ويترد عليه بكل منطقية .. وعلي فكرة اللعبة ديه بتكشف عن المنطق داخل كل فرد .. وايه هو المنطق يامرسي ............... ؟
ولو مش عارف ترد بإيه .. رد بأي إجابة غير متوقعة .
عايزين ردود تعقد .. ردود تخليك تنط جري من فوق البرج

يعني مثلا : انت واقف هنا ليه ؟
واحد يرد يقول : عشان انا مش واقف هناك
أو هو النهاردة ايه في ايام الأسبوع

ومثلا : انت ليه بتحب المكرونة ؟
واحد يرد : عشان هي كمان بتحبني
أو امبارح كنت بذاكر عند واحد صاحبي


وسؤالي : ليه لما تكون عطشان بتشرب ميه ؟

[Hard_Girl]

جامد اللعبة اوي
شكراااا يا قلم
انا اللي حد ما فهمتها

عشان مش لاقية حاجة تاني اشربها
هوة انت لية بتكبر؟؟


مش انا كدة ماشية صح؟

[قلم]

ههههههههه صح .. الا صح .. ده ردك مالوش حل

هو انت ليه بتكبر ؟
عشان هدومي واسعة عليا


حد يقولي : ليه الكورة مدورة ؟

[قلم]

هو انت ليه بتكبر ؟
عشان ابقي شاب مالي هدومي

حد يقولي : هو ليه الكورة مدورة ؟

[wildcaty]

بصراحة انا كنت مستنية تبدأوا اللعبة عشان مكنتش فاهماها قوى
اعذرونى حقوق بقى وفهمى على قدى
بس لعبة جامدة يا اسلام تسلم ايدك

والكورة مدورة لية مدورة لية عشان
مممممممممممممممممممممممممممممم
عشان تبقى زى الكورة الارضية مدورة


طيب حد يقولى احنا لية لينا رجلين مش رجل واحدة ولا تلاتة ولا اربعة ؟

[Herooo]

علشان ما نمشيش على الحيطة

[Pop Sekooo]

ههههههههههههههههههههههه

لا علشان ليك ايدين اتنين

[Pop Sekooo]

حد يقولى ليه الكره الارضيه بتلف حول نفسها

[Hard_Girl]

عشان محدش يلف عليها
طيب لية الناس بتنام بليل وبتصحي الصبح؟

[قلم]

اعتقد بيناموا بالليل عشان مفيش نور للقمر .. لأن الصبح الشمس بتطلع تنورلنا .. ومفيش حد بينام واللمبة منورة

[قلم]

تعمل ايه لو كان بؤك مكان ودانك غير كل البشر ؟

[قلم]

مش هاشوف وانا باغسل سناني
ولما اجي اشرب ممكن ابهدل نفسي
وياسلام بقي لما تيجي تهزأ حد .. وفي الاخر يطلع المدير بتاعك .. مانت مش شايفه بقي
والاهم من كده .. أصحاب الخلق الضيق .. هيقدروا قوي انهم يكلموا اللي مش طايقينه من غير ما يبصولوا
والاهم .. والاهم هو انك هاتعرف تقول كلمة بحبك من غير ماتتكسف .. ههههههههههههههههههههههههه

س : ليه الأهلي بيطرقع الزمالك علطول ؟؟؟! ياتري ليه .