حقا المجانين في نعيم

[قلم]

بفضل الله ـ سبحانه وتعالي ـ عدنا .. معكم بعد الفاصل

علي فكرة الخبر ده حقيقة ومش هزار أو خيال ، نشر في جريدة الاخبار اليومية مايو 2005 :
المنظمة العالمية للفلك ومقرها الرئيسي في الولايات المتحدة الأمريكية (اشمعني يعني)
طرحت لمؤسسات ولأفراد يتم اختيارهم حسب أولويات معينة .. إمكانية شراء واختيار أسماء للنجوم والكواكب الجديدة ( ياتري نفسك في ولد ولا بنت ) التي تم اكتشافها حديثا
وقد أقدم مواطن إماراتي مغرم (ال مغرم ال) بالصيد والحياة البرية، على شراء 5 نجوم في الفضاء ( يا بجاحتك يا أخي ) أطلق عليها أسماء عربية .. وهناك 150 نجمة في فضاء الكون .. تحمل أسماء سعوديين وسعوديات حرصوا على شرائها وتسجيلها في "الوثيقة الفلكية" التي تصدر عن "إنترناشيونال ستار ريجستري" وفق خطوط طول وعرض ( طول وعرض الدولار ) تم الحصول عليها من قبل وكالة ناسا الفضائية ( كتكم نيلة ) دي حاجة جميلة جدا .............. ؟

وهناك900 شخص عربي ( ربنا ياخدكوا نفر نفر ) قاموا بشراء نجوم في فضاء الكون وإطلاق أسمائهم عليها ( اللي جابلك يخليلك يا حبيبي ) انضموا إلى ( المجانين إخواتهم ) 750 الف شخص في العالم قاموا بشراء نجوم أيضاً من بينهم مشاهير عالميون مثل ولي العهد البريطاني الأمير تشارلز وسلفستر ستالون .
وتعتمد المنظمة في بعض الأحيان على شهر رمضان في تسويق بيع أسماء النجوم للمسلمين ( يمكن يفتكروها زكاة ولا حاجة ) حيث تؤكد بأنها ستحول 20 % (هيمثلوا بقي) من قيمة النجمة لصالح الأعمال الخيرية . (الأخبارمايو 2005)

واتخيل جيدا وقع الصدمة علي من يقرأهذا الخبر لأول مرة ( أنا عارف أولها هيحول ويطلع لسانه .... ويتهته ) معلش .. ناس تشتري نجوم .. وناس مش لاقية لقمة العيش يا بشر
بس فيه سؤال مهم .. مين اللي اعترف بهذه الشركة ؟! ولماذا لا نبيع نحن النجوم ؟

واتحدي أي بني أدم (يعمل زي ماعملنا) احنا اللي دهنا الهوا دوكو .. وعبيناه في أزايز كمان .. وبيعنا سمك في ميه .. وعبينا نشارة الخشب في بواكي الشاي.. وكمان كان طعمه جميل ........ واحنا بقي اللي أزأزنا اللب في كل مكان .. ومحدش عرف يكلمنا .. ولا رئيس مجلس الشعب كمان ......... والحدق يفهم ........... ؟


وخد عندك .. حد نازل يجيب حاجة من تحت .. يا بابا أنا نازلة أجيب حاجة من تحت وجاية ........... أبوها : ماتنسيش يابت قناع الأكسجين وانتي نازلة ................. ماتخافش يا بابا بس أنا هالعب في الكوكب اللي جانبينا شوية .............. أبوها : بس ماتتأخريش

ويا سلام بقي لما يكون عاملين فرح ..... في إحدي الحدائق المجرية اللولبية .............. العروسان داخلين بزفة والصواريخ عبارة عن شوية نيازك ملونة .... وتخيل بقي منظرهم ازاي ببدل الفضاء ..... هههههههه ...........حاجة مسخرة
وبكره نسمع عن واحد سعودي قتل أخوه الإماراتي من أجل نجمة .. وبعده نسمع عن بيع حجر من أحجار القمر في مزاد علني ، وبعده يقولك .. امتلك وحدة سكنية في حي (مصر الجديدة) تاني مجرة علي إيدك الشمال ............. بكوكب العبيط ( وتبقي شغلتك عالمدفع برررروم ) .......وبعده يغيروا مناهج العلوم ويقولك - وبكل فخر - : نحن نعيش علي كوكب صبحي وأقرب كوكب للشمس هو كوكب برعي وأبعد كوكب هو كوكب ( الدهل) وأكبر كوكب هو كوكب العنتييييييييييييييل .
وصدق اللي قال المجانين في نعيم !!
وسلام عشان أنا جالي حالة نفسية .. بس اللي مصبرني إن النادي الأهلي هيبقي ليه فرع فوق ........... وبرده هيطرقع اخوه العبيط ....... أكيد كلكوا عارفينه

بس بجد في سؤال مهم قوي .. ياتري هتكون أحوال بلدنا هتبقي زي ما هي فوق في حياتنا الجديدة

وعذرا علي الإطالة
ونلتقي بعد الفاصل .. إن شاء الله

[دلوعة و نص]

هههههههههه يا لهوي اية دة بس احسن حاجة ان الاهلي هيبق موجود