ادينا اتخرجنا وبعدين؟

[سمسمة]

]السلام عليكم
المشكلة اللي عايزة اتكلم عنها هي ان كل شاب وفتاة اتخرج ومالقاش شغل هيعملوا ايه
دلوقت انك تلاقي شغل بمؤهلك ده صعب شويه
انت ممكن تشتغل وانت في المدرسة او وانت في الجامعة بس شغل ميناسبش مؤهلك وبرده هتتخرج وانت بنفس الشغل والهدف طبعا هو الفلوس عشان تقدر تعيش في البلد دي وبرده مش هاتكفي حتي نفسك مع ان المفروض انك بتشتغل عشان خاطر توفر فلوس لعائلتك برده
طب وبعدين يا جماعة بترسي في الاخر انك تسافر بره عشان تكون نفسك بتعمل فلوس اه لكن بتكون متغرب وبعيد عن اهللك
طب انا عايزة رايكم ياجماعة في الموضوع ده لانه خطير واكيد شباب المنتدي في كتير منهم بياعني من الموضوع ده
علي حد علمي ان اغلبيه شباب المنتدي في الجامعة او متخرج عايزاهم يقولولي هنعمل ايه؟؟؟؟؟
انا برده متخرجة من صيدلة السنادي وقاعدة

[wildcaty]

هههههههههههههههههههه
هو كويس انك فتحتى الموضوع دة ياسمسمة
بصراحة كدة انا لسة متخرجة مبقاليش كام يوم
بس حاسة انى متكتفة ومش عارفة اعلم اية
حتى مكسلة اننزل الجامعة لحد دلوقتى عشان اسحب الورق
وابدأ اتحرك وادور على شغل
بس اكتر حاجة مخلينا مكسلة هو نفس السؤال بتاع موضوعك
بعد ماخلص ورقى واعمل كل حاجة
ها وبعدين اية ؟؟؟؟؟؟؟؟؟؟
يعنى الواحد بيبقى متحمس جدا طول فترة الدراسة امتى يجى اليوم اللى اخلص فية واتخرج
وكل واحد فينا بيبقى راسم فى خيالى هيعمل اية لما يتخرج
لكن لما بنتخرج ونبدأ نفوق بقى من الخيال ونبقى على ارض الواقع
بنلاقى كل اللى اتخرجوا قبلينا لسة اقعدين مستنين الفرج
وبنبدا نخاف اننا نبقى زيهم اقعدين ومش لاقين حاجة نعملها
او حتى لاقفينا شغلنا بس اقل بكتير من طموحنا
بس انا رأى الشخصى او بمعنى اصح المبدأ اللى مشية علية
ان الواحد لازم يعمل اللى علية للاخر حتى ولو متيقين ان مافيش امل
عشان فى الاخار متجيش تلوم نفسك وتندم انك محاولتش
ومين عارف مش جايز المحاولة دى تنفع وتنجح
وزيى مابيقولوا
ممكن الواحد يفوز ويكسب لو حاول ، لكن مستحيل يفوز من غير مايحاول
وربنا يوفقنا جميعا ويارب كلنا نفوز فى الاخر
لان اهم حاجة رضا النفس بعد رضا الله والوالدين طبعا
وشكرا كتير ليكى يا سمسمة على الموضوع
خليتنى اطلع اللى فى قلبى

[سمسمة]

يا wildcatyالشباب تعبان مش عارف يعمل ايه تايه مش لاقي توعيه كافيه من المسؤلين عن الشباب

[قلم]

موضوعك مهم قوي وحساس ياسمسمة .. رحلة البحث عن وظيفة في ظل غيوم المجتمع الطبقي ........ ؟
المحسوبية .. والواسطة .. و .. و .. ؟!

واللي بيصبر ويسعي بجد .. ربنا بيكرمه .. وياريت كل شاب يسعي بجد .. وحاليا أصبحت ظروف ايجاد عمل بالمؤهل متعسرة الي حد كبير .. لكن الله هو الرزاق الكريم .. لكن علي كل شاب الا يتقيد بالعمل بمؤهله .. لأن هذا هو الحال .. ومن يريد المكتب ( انا المدييير) مرة واحدة كده .. يبقي احسن له يقعد في بيتهم جنب الباب يستني عدله .

أما بالنسبة للبنت فظروف العمل ليها محدودة نسبيا .. لأنها لن تعمل في اي مجال الا بمؤهلها عكس الولد الذي يستطيع .. أن يتحمل ( مرمطة المجتمع ) والشغل مش عيب طالما في مبدأ اسمه (كيف تتحمل المسؤلية) ........... .

ولازم الشباب يحاول يروض نفسه ويكيف نفسيته حول ما نحن فيه من اوضاع .. هذا قدرنا في هذه البلاد .. ومش لازم تسافر بره عشان تعمل (خميرة كويسة) .. ممكن تعمل احسن من كده في بلدك .. وهذا لا يمنع ان السفر للخارج هو طموح .. لكن التدبر في الامر يحتاج الي تروي .. والتحقق من الهدف المراد تحقيقه .. هل هو موجود بالفعل ام سراب ......... .

وبالنسبة للإيراد اللي داخل خزينة المحفظة .. يكفي ولا لأ .. المهم انك تسعي بجد .. وتحاول السعي للأفضل .. بطموح .. وعزة نفس .. دون النظر لتفاهات المجتمع (المظهري) .. لأن الله يبارك في الرزق لعبده الصالح .. فلا تنظر الي الكم ..لأنه كما نقول .. اللهم بارك لنا في رزقنا .. واكيد في كتير احس بالموضوع ده .. انه يكون معاه فلوس قليلة لكن يحس انها كتير قوي ومهما يصرف .. زي ماهي ...... .
وخصوصا عندما يتقدم شاب لبنت .. وليس معه إلا رضا الله ووالديه ونفسه - كما قالت وايلدكات - وحالته المادية ضعيفة .. لكنه ساعي في الخير وبطموح .. تجد الله يفتح له ابواب رزق لا تقفل .. لأن الانسان ماشي بما يرضي الله .. وشوفت الكلام ده بعيني .. واكيد في كتير غيري شافوا الموضوع ده

وفي النهاية أود أن أقول .. وأؤكد .. أن الذي يسعي بجد .. يكرمه الله ويرزقه من حيث لا يحتسب .
وشكرا ليكي ياسمسمة

[Pop Sekooo]

هههههههههههههههه

انا لسه متخرج ويارتنى ما اتخرجت على الاقل هعمل حاجه بدل كتر التفكير اللى انا بعانى منه اليومين دول علشان المستقبل اللى مش باين حتى ملامح ليه بس هقول ايه الشغل اليومين دول دائره مغلقه على الناس
ربنا يسهل ونعرف نخشها مش مهم ازاى بس اهو نعمل ايه ولا كده نافع ولا كده نافع

(((((((((((( ربنا يرحمنا))))))))))))

[سمسمة]

كلام جميل وياريت كل الشباب بيفكر زيكم
وربنا يعنا علي الدنيا دي لانها صعبة قوييييييييييييييييي