دماغي يا أستاذ .. حرام عليك

[قلم]

بفضل الله ــ سبحانه وتعالي ــ عدنا .. ومعكم بعد الفاصل

سبحانك يارب من سنين قريبة قوي .. كانت الوسيلة الوحيدة للاتصال بين الناس هي ولا مؤاخذة ( الكوز ) .. يعني هو حتة تليفون ( متلئح ) في البيت ليس إلا .
لكن بطبيعة الحال الإنسان في تقدم دائم .. وغزا بلادنا اختراع مذهل ( في وقتها ) ألا وهو المحمول ــ باللغة العربية ــ والموبيل ــ باللغة الانجليزية ............ ما علينا المهم ان أسواقنا أصبحت محتلة من قبل هذا الاختراع .

شئ في منتهي الجمال ان يكون في وسيلة اتصال بهذه التكنولوجيا العجيبة ــ عجبا لك ايها الانسان .. لحد كده الموضوع ماشي جميل .. لكن بقي العملية وسعت قوي .. وبقولها بأعلي صوتي وسعت قوي .. تم تحديث الموبيل .. وظهرت موضة موبيلات الـ (Music)

وهنا كانت النقمة .. ولكن كانت في المداري .. ولكن دلوقتي وسعت .. بعد الانتشار ( الغبي ) للموبيلات الصيني .. فصوتها عبارة عن DJ مصغر في ( ودانك وودان اللي قاعدين معاك ) بمعني انه من الممكن ان تقيم فرحا في الباص اللي انت راكبه .

والناس أصبحت بتفكر في نفسها فقط .. لا يهم شعور الاخرين .. فتلاقي سيادتك قاعد في امان الله .. ومرة واحدة تجد اجمل الاصوات قد خرجت من الترب وبأعلي صوت .. وكأن الاستاذ اللي ماسك التليفون .. قاعد لوحده .. وياسلام بقي لما يشغلك اغنية ( جي بيبكي راجع يشكي ) للسيدة شفيقة ( معلمة الغناء العربي )
واغاني لا حصر لها .. ( اشي ) شرقي و( اشي ) غربي وعندك بقي الشعبي الصمييم اللي جي من الاحساس العميق لدي المواطن المصري .. بأحوال بلاده .. ولا حول ولا قوة الا بالله

والبيه ولا حاسس .. ان ممكن يبقي في حد يقرأ القرآن .. أو شارد يفكر في شئ مهم .. أو حتي مصدع ودماغه طايرة منه
ومع احترامي الشديد للحرية الشخصية .. إلا أن حدود حريتك تتوقف عند حدود الاخرين .. يعني اللي اخترع صدقني .. عمل اختراع اسمه ( Handfree )

عملوه للي عايز يصدع دماغ الناس زيك .. لكن تعمل ايه بقي .. في محدث النعمة .. التباهي والمنظرة ..
واتحدي واحد لما يركب اي حاجة سواء مترو او ميكروباص او .. او .. او .. اي حاجة هتركبها اتحداك انك متلاقيش حد مش مشغل اغاني وصوتها مسمع الناس كلها .. طيب انا ايه ذنبي انا
ويا سلام بقي تلاقيك راكب المترو وكل واحد مشغل اللي علي مزاجه عشان يسمع حبايبه .. واللي مش عايز يسمع يسد ( القـفـتين ) اللي علي دماغه ... وما اكتر الأفف ..
وياسلام بقي لما تلاقي واحدة حلوة شوية قعدت جنب واحد من بتوع التكنولوجيا .. تلاقيك في ثواني تسمع اجمل الاغاني الرومانسية ومن كل نوع .. قديم وجديد ورومانسي وشعبي وشعبي حقير واجنبي وكل ما تشتهي ودانك ...وده عشان يلفت نظرها .. ( ده انت يابني لفت نظر الناس كلها حتي جزر الحمص ) ويفضل يلعب في شعره ويهيم مع الاغنية .. الواد رومانسي قوي .. بعد ماصدع دماغ اهلنا .. ولسان حال كل من دماغه ورمت : دماغنا ياكابتن حرام عليك

ومانكرش واكون صريح مع نفسي .. ومعاكوا انه فيه اغاني بتعجبني .. لكني لا اقبل ذلك الوضع ( المنيل بستين نيلة ) .. الناس بقي عندها لا مبالاة

ولازم يكون في ذوق اكتر من كده .. لأن مجتمعنا بهذا الشكل يسير في نطاق الانخلاع من الهوية الانسانية .. وساعتها لا هيبقي فيه انسانية ولا حتي ملوخية .. وربنا يهدي

وعذرا عالإطالة
ونلتقي بعد الفاصل .. إن شاء الله

[Pop Sekooo]

والله عندك حق الواحد مبقاش عارف يعمل ايه فى الناس دى

الناس اتهطلت

[fery]

عسل يا اسلام والله
بس قوللى لو انت فعلا متضايق من الموضوع ده تحل المشكله دى ازاى
انا عارفه انك مش متعصب دينيا بس غيرك هيفهم كده
بس قوللى بجد ممكن تحل مشكله زى دى ازاى من وجهت نظرك انت؟؟؟؟؟؟
ومرسيى عالموضوع الجامد ده....................................

[wildcaty]

والله يا اسلام موضوع فى الجون بجد
لان فعلان الموضوع دة انتشر جدا وبطريق غبية
تلاقى كل واحد مشغل موبايلة وبيسمع اللى على كيفة وطظ فى اللى حوالية
وياسلام بقى لما تبقى قاعد فى الباص ولا مترو وتلاقى اللى جنبك مشغل اغنية ومندمج معاها واللى وراك بيسمع حاجة تانية فى مويايلة واللى قدام
من الاخر بتبقى قاعد فى مرستان
وياسلام بقى لو انت كمان مصدع ولا كان فى حد من اللى قاعدين عامل عملية فى ودنوا ولا اى ظرف من الظروف
وبعدين سيبوكوا من كل دة

لما كل واحد بيعمل كدة يوقلك حرية شخصية حرية شخصية
طيب فين حريتى انا الشخصية انا انا مش عاوزة اسمع القرف اللى بيسمعوا
لية تجبرونا نسمع اللى على مزجكوا بالعافية

ياريت يا جماعة نحس ببعضنا شوية
وزى ما قال اسلام فى اختراع اسموا
(hand free)

ارحموا من فى الارض يرحمكم من فى السماء

عسل يا اسلام والله
بس قوللى لو انت فعلا متضايق من الموضوع ده تحل المشكله دى ازاى
انا عارفه انك مش متعصب دينيا بس غيرك هيفهم كده
بس قوللى بجد ممكن تحل مشكله زى دى ازاى من وجهت نظرك انت؟؟؟؟؟؟
ومرسيى عالموضوع الجامد ده....................................

اية يافرى مين جاب سيرة التعصب الدينى هنا خالص
اسلام بيتكلم عن اخلاق لازم تتغير لان الواحد مش عايش فى المجتمع لوحدوا وكل واحد يعمل اللى على كيفوا
مش كدة يا اسلام ولا اية ؟

وبعدين الكلام ليكى اقرى الموضوع كويس وبراحة وافهمى المعاناة اللى الوحد بيحس بيها
فاهمانى ولا اسيح انا بقول بلاش تسيح حرام
وبلاش اقول انك مزعجة زى الناس دى
وانك بتعملى زيهم وتشغلى الموبايل من غير
hand free
خلاص يافرى دة سرنا الصغير مش تخافى مش هاجيب سيرة لحد


شوفتى كنتى هتخلينى انسى اشكر اسلام على التوبيك و المجهود الرائعين
thank u

[قلم]

عسل يا اسلام والله
بس قوللى لو انت فعلا متضايق من الموضوع ده تحل المشكله دى ازاى
انا عارفه انك مش متعصب دينيا بس غيرك هيفهم كده
بس قوللى بجد ممكن تحل مشكله زى دى ازاى من وجهت نظرك انت؟؟؟؟؟؟
ومرسيى عالموضوع الجامد ده....................................

ربنا يخليكي يا fery علي اهتمامك ومتابعتك وردك الجميل ده
وانا فعلا متضايق جدا من الموضوع ده .. بس الموضوع يتحل عن طريق حاجات كتير قوي .. أولهم الدبلوماسية في التعامل بطريقة شيك يعني .. لكن احنا مش هنعرف نجبر حد علي حاجة مش مقتنع بيها .. الا اذا كانت نابعة منه شخصيا .. وهنا بقي تيجي العادات والتقاليد تلعب دورها في اعتناق الاخلاق .. الذي اساسه هو الدين .. وعلي فكرة زي مانت قولتي بالضبط انه ممكن حد يفهم غلط ( التعصب الديني يعني ) وهنا بقي الاسلوب يفرق
بس بيني وبينك في حاجات ماينفعش يتسكت عليها ابدا

ونورتي التوبيك بجد .. وياريت نشوف مواضيع كتيرة ليكي .. ونشوفك معانا علطول

[قلم]

طبعا مش كل واحد يعمل اللي علي كيفه .. والا بقت سلطة بقي .. اهو ادينا بنحاول نبدأ بنفسنا .. وبعد كده باللي حولينا
وشكرا يا شيماء علي متابعاتك الدائمة .. لكل مواضيع المنتدي .. ودايما ارائك مهمة .. وملاحظاتك تستحق التقدير .. ونورتينا النهاردة